VAIA CARA!

Estas son as expresións que conseguimos facer coa nos a cara na clase de Ed. Física. Claro que tivemos axuda do Photo Booth.

XOGANDO COAS CARRILANAS

O venres aproveitamos o bo tempo e fixemos á clase de Educación Física ao aire libre. Practicamos xogos tradicionais (a pilla conxelada, a chave e as carrilanas). A diversión foi máxima como podedes comprobar na seguinte presentación.

PRACTICAMOS CO PEÓN

Estes días andamos a voltas co peón; non hai máis que mirarlles á cara para percibir a súa emoción cando o peón comeza a bailar.

XOGOS MUSICAIS NA CLASE DE ED. FÍSICA

"A mal tempo boa cara", así di o refrán. Hoxe decidimos alegrarnos poñendo un pouco de música e disfrutamos cos xogos musicais que tanto lles gustan. Na gravación só aparecen os de 2º porque durante a sesión de clase de 1º non tiña a cámara para poder gravar, pero teño que dicir que tamén o fixeron moi, pero que moi ben.

OS DE SEGUNDO TAMÉN BAILAN

Ola! Son Carmela, a profe de Ed. Física. Onte púxenvos o vídeo do alumnado de 1º na clase de Ed. Física e hoxe tócalle aos de 2º pero teño que contarvos un segredo: xa é a segunda vez que o gravamos é por algún motivo desconéctase a cámara pola metade así que só consigo unha parte do baile. De todos os xeitos vouno poñer e xa haberá outras ocasións máis adiante.
Con todos vostedes: O SEÑOR DA SERRA; intérpretes: alumnado de 2º de Primaria

XOGANDO CON MÚSICA NA CLASE DE EDUCACIÓN FÍSICA

Estes días hai moito ritmo no pavillón. Aínda que practicamos moitas danzas e xogos con música, gravei ao alumnado de 1º facendo este que se titula O XOGO DA CARRASQUIÑA. Son tan espabilados/as que á segunda vez xa foron capaces de facelo sen a profe Carmela e así puiden gravalos millor.
Parabéns para eles e elas!