ACTUACIÓNS DE 2º NA I MARATÓN DE TRADICIÓN ORAL - BIBLIOTECA ÁNXEL CASAL

O venres celebrouse na biblioteca Ánxel Casal a I MARATÓN DE TRADICIÓN ORAL. Este é o vídeo da presentación de refráns de outono que fixeron os nenos e nenas de 2º.

PRACTICAMOS CO PEÓN

Estes días andamos a voltas co peón; non hai máis que mirarlles á cara para percibir a súa emoción cando o peón comeza a bailar.

XOGANDO AO PEÓN NO RECREO

Que entusiasmo teñen co seu peón. Aínda están empezando e algúns xa o fan realmente ben; outros insisten e van progresando.
Unha ledicia velos!

O SOLDADIÑO DE CHUMBO

O alumnado de 2º EP, acompañados polas profes Chus e Carmela, puidemos disfrutar onte dunha representación de teatro moi especial.
No SGAE estanse a presentar as últimas montaxes teatrais galegas dentro do programa MOSTRA GALEGA DE ARTES ESCÉNICAS.
Nós presenciamos a representación de "O soldadiño de chumbo", a cargo da compañía BAOBAB. Entre o público había programadores de teatro de diferentes puntos de Galicia. Nós eramos o único público infantil así que os actores e actriz da compañía foron moi amables con nós e fixemos unhas fotos ao final, cheos de ledicia despois de rirnos e berrar cos acontecementos vividos.

Parque zoolóxico de Marcelle

Unha vez pasado o apuro de fin de curso, aquí tedes algunhas fotos de Marcelle.

FELICES VACACIÓNS A TODOS!

XOGOS MUSICAIS NA CLASE DE ED. FÍSICA

"A mal tempo boa cara", así di o refrán. Hoxe decidimos alegrarnos poñendo un pouco de música e disfrutamos cos xogos musicais que tanto lles gustan. Na gravación só aparecen os de 2º porque durante a sesión de clase de 1º non tiña a cámara para poder gravar, pero teño que dicir que tamén o fixeron moi, pero que moi ben.

ALÉN GAÑOU UN CONCURSO DE POESÍA

Alén participou nun concurso de poesía, está moi contento porque é a primeira vez que gaña pero seguro que non será a última porque parece que tén moitas cualidades para isto da rima.
O poema titúlase O MEU AMIGO ANTÓN e, claro, cando se enterou Antón tamén se puxo moi contento porque é moi emocionante que alguén che adique un poema, non?
Parabéns para Alén e para os seus pais, que estarán orgullosísimos do seu pequeno poeta, que semella ser herdeiro da arte familiar!

Unha mirada ao Xurásico

Hai xa uns días Chano, Xoel e os seus pais fixeron unha excursión moi interesante. Foron nada máis e nada menos que a unha exposición de dinosaurios en Llanes (Asturias).

Trátase de dezaseis reproduccións de dinosaurios de gran tamaño que se poderá visitar ata o 3 de novembro de 2013. Máis información premendo aquí.

Ademais, se queredes completar a visita, en Colunga (a media hora de Llanes) podedes visitar o MUJA (Museo do Jurásico) que tamén ten reproduccións de dinosaurios no exterior, e no interior fósiles e esqueletos de dinosaurios.

UNHA BANDADA DE CONTOS: XIII CAMPAÑA MUNICIPAL DE ANIMACIÓN Á LECTURA

O pasado xoves asistimos a unha sesión de contacontos organizada polo Concello de Santiago e Kalandraka, e contáronnos uns contos ben fermosos. O primeiro deles ía sobre unhas aves que querían ser como as persoas, o segundo sobre un neno que encontraba personaxes doutros contos no bosque, e o último sobre unha galiña moi traballadora que tiña uns amigos moi lacazáns.

Se queredes, pais e nenos podedes repetir a experiencia o próximo sábado 25 de maio.

Máis enfomación premendo aquí.

CONTO ENCADEADO: O ACRÓBATA SORRISEIRO

Hoxe conmemoramos o Día do Libro e, para celebralo, elaboramos un conto encadeado entre todos os nenos e nenas de 1º e 2º; titúlase "O ACRÓBATA SORRISEIRO" e lérono no salón de actos Iria, Idalina, Manuel e Amal. Houbo moitos aplausos cando remataron.

Visita de Noemí López

A pasada semana visitounos Noemí López, a ilustradora do conto "As porcas porquiñas". 

E ensinounos moitas cousas e debuxamos unha brancaneves un pouco alternativa, caras con distintas expresións... Averdade e que o pasamos realmente ben.

OBRADOIRO DE COCIÑA - 1º

Hoxe tivemos unha marabillosa experiencia elaborando todos xuntos unhas mini-hamburguesas: preparamos os ingredientes, machucamos no  morteiro (allo, sal, perexil e pementa blanca), ollamos miga de pan en leite sen lactosa, escorrémolo ben e botamos todo xunto coa carne e dous ovos nunha cunca. Amasamos e un tempiño máis tarde fixemos as hamburguesas, fritímolas na plancha e ... A COMER!

PRIMEIRA EXPERIENCIA NA COCIÑA

Hoxe preparamos unhas ricas trufas de chocolate, necesitamos chocolate para derretir, leite, galleta e chocolate en po. Derretimos o chocolate no microondas, mezclamos con leite e galleta e vamos formando bolas.Por último espolvoreamos con chocolate en po, e listos para disfrutar comendo todos xuntos. Mmm que rico! 

Visitamos o parque da Alameda

Acompañados de Cristina, a profe de Audición e Linguaxe visitamos o parque da Alameda. Tivemos moita sorte, xa que os días anteriores estivo chovendo (incluso nevando) e o venres fixo un día soleado e ata caluroso.

A visita ao parque deu moito de si, collemos pequeñas piñas, flores, bebemos nas fontes, examinamos os estanques, vimos o pombal...

Viaxamos a Oriente próximo

Onte tivemos unha visita, e pasámolo realmente ben. E non só iso, tamén aprendemos moitísimas cousas sobre Oriente próximo. Ensináronnos imaxes e faláronnos das costumes da xente dalgúns países como Líbano e Palestina. Aprendemos o que é unha mezquita e vismos alfombras preciosas.

Tamén nos trasladaron en vivo e en directo a un mercado de Palestina. Que como o fixeron? Pois sopráron unhas poucas especias típicas por enriba de nos e foi como se viaxáramos diretamente a esos preciosos mercados.

Ah! e tamén tocamos area do mismísimo deserto! era taaaaaaaan fina...

E para rematar, contáronnos un conto e regaláronnos un libro, que máis se pode pedir?